冬菇
英曲預備班
UID 512
精華
0
積分 9
帖子 9
閱讀權限 250
註冊 2006-6-7
所養英曲名稱:
英曲會員編號:
狗狗性別:
狗狗出生日期:
狗狗最喜歡:
狗狗最討厭:
狗狗技能:
狗狗性格:
居住地區:
來自
狀態 離線
|
兩幼犬在西貢豪涌新村被判終身監禁
給所有熱愛犬隻的人仕：
我最終都忍受不了呢件咁慘不忍睹嘅事 ! 呢半年來 , 每當我行經果幅白色圍牆的時候 , 我都聽到兩隻被囚禁的小狗們嘅哀鳴 , 每每心裡總會有一陣陣酸溜溜的感覺 , 所以現在決定要將呢件事講俾大家知道 , 看看可有辦法去救小狗們逃出生天及令我良心好過一點 !
半年前 , 那位自稱係現役警員嘅鄰居搬到來豪涌新村 , 住在七百呎地下單位及擁有一個白色高身圍牆的三百多尺石屎花園 , 他飼養了兩隻小狗 , 一隻係灰色史立沙BB, 另一隻係英曲仔 ! 呢兩隻小狗搬到來一個有大花園的新環境及四周附近又有咁多同伴 , 本應該幸福到不得了 , 但原來一切只係幻想 , 漫長嘅惡夢從那天起先至正式宣佈開始 !
自他們搬到來第二天的早上開始 , 整個豪涌新村都可聽到兩隻小狗的歇斯底理式吠叫聲 ! 初初還以為牠們不習慣陌生環境 , 但吠叫持續地天天不斷 。 好奇心下去看看 , 見到牠們的的確確在大花園內, 不過就分別困在 1呎 * 呎半 及1呎 * 2呎 及呎半高有水有食物的鐵籠內 。 根據我自己 , 家人及各村民的有意無意觀察下 , 牠們朝早上還可以躺著身或轉個身郁動一下 ! 但到了中午打後……直至到主人回家前(有時係半夜或隔日) , 牠們在監牢只係得零活動空間 ! 因為牠們在籠內便便後 , 剩下的空間只夠俾牠們呆呆地坐著 ! 我終於明白牠們當時不是吠叫 , 而係求救 ! 現在呢? 牠們不再吠叫了 ! 幾時開始? 約三個月前 ! ,相信係牠們已經明白到無論再怎麼樣放聲慘號地叫破喉嚨 , 主人都唔會再理會牠們 ! 牠們隔籠對望而欲哭無淚……好比活在地獄裡 , 再嗚咽不出一點聲音 ! 真真正正的生不如死 !
我感受到兩隻小狗其實在牠們的主人心目中係一種負累 , 因為在多次偶然的機會下 , 我見到小狗們的主人回家時 , 無論牠們吠叫得像狼叫聲一般慘烈去希望主人給牠們放一放監 , 牠們的•主人都只會樹起一隻手指 , 然後"樹"一聲 , 示意牠們不要再作出任何聲響 , 草草放下食物後 , 便關門大吉溜去了 ! 我好難相信會有人視犬隻如草木般看待……只需澆水施肥！呢半年來 , 我及全個豪涌新村嘅村民都引證了……有人存心精神折磨兩隻狗仔 , 要將牠們變成沒有靈魂的活死狗 !
再講 , 早在牠們搬到來的第二個月 , 我曾經致電SPCA求助, 講出以上情況及表示氣溫快將大降 , 怕牠們抵受不了 ! 因為觀察所得……無論晴天雨天 , 牠們都只能被監禁在屋外的鐵籠內 , 係……係有簷頂 , 但……我希望可以幫一下兩隻可憐小狗重獲自由得到釋放 ! 但SPCA的職員表示愛莫能助幫不上忙 , 因為牠們的主人無任何虐待行為 , 表示真係吹佢唔脹架 ! 係呢個情況下……我唯有寫封信俾小狗們嘅主人 , 希望佢給牠們多點活動空間 , 不要再像坐牢一樣 。 寫信後兩個星期 , 的確係有少少改善 , 小狗們可以在花園走動 , 但之後好快又打回原型了 ! 從村民探聽得知 , 兩隻小狗不被放入屋內係因為曾經咬破傢私雜物及梳化 , 而不被放在花園係因為怕弄得四周混亂污穢 ! ( 因主人不善教導 , 一切責任反而落小狗們身上 , 難道要牠們無期徒刑被困鐵籠內……屈屈而終 ? )
我每次見到小狗們時或者聽到牠們衰鳴時 , 內心非常之矛盾 。 一方面怕牠們撐不了多久 , 另一方面又
唔忍心見牠們繼續受折磨 ! 近幾日見到小狗們终日淹淹一息地躺臥, 我真係好想好營救牠們 , 但又做不了什
麼 ! 現在…………我個心真係好唔安樂 !!!!!!
慘受良心責備但又愛莫能 助的人 上
二零零六年五月二十日
*************************************************************************
係我地寄左呢封信出去給各大傳媒後 , 整件事發生了戲性的變化 , 牠們的主人同一個好好人的鄰
居話要外遊幾天 , 找他照顧狗隻............然後人間蒸氣半夜搬走了! (兩隻狗終於可放監了) 果個鄰
居 , 真係好人到不得了 , 帶牠們去沖涼及美容 , 等牠們可以找到好人家收養 !! 個好鄰居仲話初初兩隻狗唔識行路同怕人到不得了!
 附件: 您所在的用戶組無法下載或查看附件
|
|
