標題: 狗狗又老又瘦... ... [打印本頁]
作者:
nicole_kam 時間: 2006-3-9 03:39 PM 標題: 狗狗又老又瘦... ...
我阿朱古力今年十二歲半, 上年三月佢試過痾血塊, 帶佢去睇醫生, 醫生 "懷疑" 佢生大腸癌, 但之後又無事喎, 直到今時今日.
而對眼呢, 就幾年前已經開始睇嘢唔清楚, 眼珠好白. 醫生話佢有乾眼症, 好多眼屎, 叫我用 "浸 cone 水" 同佢抹眼屎. 到今年, 佢已經好似完全睇唔到嘢, 成日喺屋企周圍撞. 
叫佢又唔多聽得到, 成日都訓覺, 
除咗食嘢, 都好少出嚟行, 連尿尿都唔記得去, 有時會賴喺個廳到... ... 
我哋已經俾足夠嘅狗糧過佢食, 但都瘦到得排骨, 沖涼都有啲困難, 因為無肉地, 卒唔起泡, 連肛門線都唧唔到.
大家有無意見呀? 依家我唯一可以做嘅就只有唔打佢, 唔鬧佢, 一家連人帶貓都鍚哂佢... ... 然後等佢... ... 去囉... ... 
作者:
SUSANNA 時間: 2006-3-9 04:09 PM
你唔好咁啦,我睇到都唔開心,你地同朱古力都要堅強d呀,唔好放棄,
我希望我冇講錯嘢啦,因為我都係初初養狗,
有好多野都唔識,我覺得人同狗都係一樣
生、老、病、死必經的階段,只係時間性
所以,我地要活得精采,活得開心,不後悔
你住係南丫島嗎
我個女小曲都係南丫島出世架
係一個住南丫島的朋友送的
作者:
Elsa 時間: 2006-3-9 04:26 PM
年紀大左..無法啦..佢對眼仔係唔係白內障呀??...好多狗狗老左都會有..人都一樣啦..聽唔到睇唔到由於年紀大..機能退化..小便失禁佢都唔想...唯有對佢好啲..鍚佢多啲
...珍惜現在..等到佢百年歸老...
作者:
nicole_kam 時間: 2006-3-10 09:55 AM 標題: 多謝大家支持同鼓勵
係呀, 我住南丫島架. 搬入去都有因為要就朱古力, 依家省城好多樓都唔俾人養狗, 就算偷雞養, 都會俾街坊白眼. 搬咗入去離島, 朱古力簡直好似退休後, 移民去加拿大咁嘆呀. 
作者:
Sue 時間: 2006-3-10 10:10 AM
你隻狗狗係咪食乾糧?
餵d易消化嘅食物俾佢，試吓 home made : e.g. 飯 + minced chicken/beef / fish + 菜 ; 薯葺 + minced beef + 通粉 (剪碎) ..... etc
作者:
sandy@王家3兄妹 時間: 2006-3-10 01:27 PM
QUOTE:
原帖由
nicole_kam 於 2006-3-10 09:55 AM 發表
係呀, 我住南丫島架. 搬入去都有因為要就朱古力, 依家省城好多樓都唔俾人養狗, 就算偷雞養, 都會俾街坊白眼.
搬咗入去離島, 朱古力簡直好似退休後, 移民去加拿大咁嘆呀.
朱古力果然無揾錯呀媽
作者:
Elaine@傻嘉媽咪 時間: 2006-3-10 07:38 PM
其實狗狗老左好多時都會有好多問題, 依家你可以做ge, 除左係多d時間陪佢, 同佢多d講野, 等佢知道自己係重要ge~ 仲有, 就係唔好成日搬屋企的東西, 等佢係自己屋企都可以活動自餘, 另外, 佢仲行唔行得? 如果行得, 不訪同佢係屋企附近係咁二行下, 唔好比佢成日唔郁~ 如果佢唔想行, 你都可以抱佢or 推佢出去行下, 吸下出面的清新空氣~
食野方面, 最好睇住佢食, 佢d牙仔仲係咪度呀?
作者:
Chermaine 時間: 2006-3-12 12:18 AM
佢仲有無定期睇下vet?
作者:
nicole_kam 時間: 2006-3-14 03:10 PM
朱古力仲行得嘅, 星期日都帶佢去朋友個農場打躉, 不過以前我會踏住單車, 佢就跟喺後面行 ; 而家我就要用繩拖住佢慢慢行, 佢一去農場就搵個位訓覺囉. 
食嘢方面係食緊乾糧呀, 自家制狗糧? 等我試吓先. 
之前同佢洗牙 (四年幾前), 獸醫順便同佢拔咗三隻鬆咗嘅牙. 依家有時同佢檢查, 都無發現有牙齒鬆, 應該 ok. 但因為入面得一千零一個獸醫, 醫德又唔多好. 之前睇開嗰個好好醫生又返咗台灣, 所以都少咗同佢 body check. 對上一次睇醫生係上年夏天, 佢後頸生咗個西柚咁大嘅瘤, 開頭以為俾蜜蜂針, 跟住去睇好好醫生, 劏開發現入面係血 / 血塊, 放咗血之後又無事到依家喇. 大家有無好獸醫推薦? 其實朱古力細個時係睇 "麥子健" 嘅, 但如果由中環搭的士去旺角又好似貴咗啲囉.
之前都鍾意得閒將啲傢俬換吓位, 依家就無 lu. 因為就算唔搬傢俬, 佢有時都唔記得厠所係邊, 大門口喺邊架.
[ 本帖最後由 nicole_kam 於 2006-3-14 03:11 PM 編輯 ]
作者:
Elsa 時間: 2006-3-14 07:40 PM
如果港島區醫生..跑馬地雲地利道何大成醫生丫..佢口碑好好..不妨考 慮一下丫
作者:
jodi 時間: 2006-3-14 10:13 PM
QUOTE:
原帖由
nicole_kam 於 2006-3-14 03:10 PM 發表
朱古力仲行得嘅, 星期日都帶佢去朋友個農場打躉, 不過以前我會踏住單車, 佢就跟喺後面行 ; 而家我就要用繩拖住佢慢慢行, 佢一去農場就搵個位訓覺囉.
食嘢方面係食緊乾糧呀, 自家制 ...
作者:
chimil 時間: 2006-3-14 10:19 PM
朱古力好叻呀,能夠活到十三歲已經很厲害了
講開home made食品,我家附近有一家十二歲既牧羊狗,
佢主人日日煮紅糙米+蔬菜俾佢食
依家非常健康,d毛仲超靚
無任何疾病,所以我勁力推介
作者:
PHILIP 時間: 2006-3-16 08:43 AM
QUOTE:
原帖由 Elsa 於 2006-3-14 07:40 PM 發表
如果港島區醫生..跑馬地雲地利道何大成醫生丫..佢口碑好好..不妨考 慮一下丫
係呀...我全家都係o係 何大城果間睇架, fefe都係佢地救番, 真係好好
作者:
PHILIP 時間: 2006-3-16 08:45 AM
不如搵次我地入去 南丫島 攪小型活動, 可以探下朱古力....好唔好呀.
作者:
Sue 時間: 2006-3-16 09:00 AM
Good idea .... 快 d 擇日子 ....
作者:
py 時間: 2006-3-16 04:33 PM
好呀!仲可以搭下船添
作者:
sandy@王家3兄妹 時間: 2006-3-16 11:46 PM
好呀！去探朱古力呀！
可樂都未搭過船
[ 本帖最後由 sandy722 於 2006-3-17 12:04 AM 編輯 ]
作者:
Elaine@傻嘉媽咪 時間: 2006-3-16 11:55 PM
等過左lee個活動, 再諗諗吧~^^
作者:
nicole_kam 時間: 2006-3-21 09:20 AM 標題: 多謝大家關心!!
"何大成"? 我都聽過呀, 但跑馬地喎... ... 貴唔貴架? 
紅糙米+蔬菜呀? 今晚可以試吓喎, 況且我自己都係食開糙米嘅, 一次過煮埋餐飯, 加啲西蘭花, 一家人一齊食! 
好呀! 大家有時間一齊入嚟行吓丫, 有時我都見有一大班人, 帶埋狗狗入嚟南丫島玩架, 人同狗一齊去沙灘玩, 好開心. 呀! 不過 "港九小輪" 有樣嘢係我哋島民投訴緊嘅 - 就係狗狗只可以 "企" 喺慢船船尾, 主人都係. 因為小輪規定狗狗唔可以入冷氣倉, 但生風位又無座位喎, 咁個主人唔可以又得狗狗喺船尾, 自己入咗去坐家馬. 
所以帶狗嘅人多數都要自備報紙... ... 人狗一齊坐喺地囉.
作者:
jodi 時間: 2006-3-21 12:07 PM
仲有 - 睇下坐咩船, 可能唔夠位比甘多人+狗一斑過上哂去呀.
我上次回程時個船尾得個少少位, 企都最多係3-4個人+狗咋.
去個時就好d, 係大船, 成個下層都坐得.
作者:
sandy@王家3兄妹 時間: 2006-3-21 07:52 PM
QUOTE:
原帖由
nicole_kam 於 2006-3-21 09:20 AM 發表
"何大成"? 我都聽過呀, 但跑馬地喎... ... 貴唔貴架?
紅糙米+蔬菜呀? 今晚可以試吓喎, 況且我自己都係食開糙米嘅, 一次過煮埋餐飯, 加啲西蘭花, 一家人一齊食!
...
可能而家改左TERMS
作者:
sarah 時間: 2006-3-21 09:50 PM
你可以加d homemade food,
營餐充足d,而且狗狗都好中意食ga~
你係一個好mammy,要加油呀!
朱古力已經好叻ga la~可以活到十三歲
作者:
nicole_kam 時間: 2006-3-22 02:14 PM
呀... 仲有呀... 我哋又發現朱古力食屎呀... 
話說尋日我男朋友遲咗出門口, 見到朱古力以為屋企無人, 喺露台夾硬整啲屎屎出嚟自己食... 
呀! 救命呀!! 我哋已經早晚都同佢落街, 一定等去 "大" 完先上樓. 但我知佢好多時都 "儲" 啲屎屎當下午荼, 因為好多時放工返嚟都見到有屎積喺地, 但無屎屎... ... 今次男朋友親眼目睹覺得好嘔心呀, 咁點呀? 係米有啲嘢食咗 / 搽咗, 佢就唔會食屎屎架?
作者:
jodi 時間: 2006-3-22 09:13 PM
食屎呢個問題:
係有d野話食左唔會食屎. 不過唔係隻隻狗都work. (你問下megan 就知)
Solid Gold 好似有一隻. 仲有d其他既...
作者:
Elaine@傻嘉媽咪 時間: 2006-3-22 11:12 PM
食屎lee 個問題, 係好大機會佢d 屎屎仲未完全消化~ 佢all左出黎的屎屎係咪已經''成個屎樣''?
定係睇到仲有粒粒狗糧? 如果仲睇到係狗糧, 咁佢地會覺得食返都冇問題~^^ 因為同佢平時食開的都係一樣呀~
作者:
Elsa 時間: 2006-3-22 11:55 PM
聽講好似有野唔知咩咩粉..溝入狗糧比佢食..食左之後痾番出黎既屎..狗仔聞到係勁臭..唔會再食番喎...但我啲狗無食過..詳情唔知..我都係在網上見到有呢啲野賣咋..work唔work真係唔知
作者:
IRISZE88 時間: 2006-3-23 02:30 AM
我買過止食屎粉俾落狗糧度俾佢食都沒用，疴了又偷食屎，我屋企仲有半罐好浪費....
獸醫教我拎辣椒汁或芥未, 等佢疴完馬上落辣椒汁或芥末屎度，我扮吾注意或行開一陣, 佢嗅吓屎又脷仲辣死佢，重覆幾次就吾敢食....好有效
作者:
nicole_kam 時間: 2006-3-28 09:37 AM
朱古力啲屎屎係屎狀架, 好核突... ... 今朝起身又發現個廳有屎積, 水 dull 度有屎屎... ...
當屋企有人時, 佢係極少出嚟痾屎屎架, 佢多數等屋企無人時痾出嚟 "嘆". 所以加辣椒汁或芥未呢招可能難咗啲.
作者:
IRISZE88 時間: 2006-3-28 03:34 PM
老狗家係咁，咁要注意吓佢
作者:
sandy@王家3兄妹 時間: 2006-3-29 02:15 AM
我地15/4有活動..會去南丫島 ~ 模達灣...swimming
我地想順到來探下朱古力呀！
你這天free 嗎?
作者:
nicole_kam 時間: 2006-4-10 08:54 AM
行去模達灣都幾遠嗰喎, 雖然今個星期都可能會落雨, 但你哋都要帶定多啲水, 唔好俾狗狗們熱親呀. 復活節假我都會喺南丫島, 多數都喺洪勝爺灣旁邊個農場度, 到時見啦! 
| 歡迎光臨 PF HOUSE & 英曲大聯盟 (http://www.pfhouse.net/BBS/) |
Powered by Discuz! 4.1.0 |